Sunday, January 27, 2008

سؤال

هو إحنا بنحب الرسول صلى الله عليه وسلم ...طيب أكيد الإجابه بتاعتنا أكيد بنحبه ..وهتكون نفس الإجابه على الشؤال هو إحنا بنحب ربنا؟
طيب أن عايز أشأل سؤال تالت ماعلش هاتقل عليكم ...طيب طالما إحن بنحب حد ماينسمعش كلامه ليه؟ بجد أنا الأسئلة دي طالما دارت في ذهني ...أن لوشخصاً محبباً إليك طلب منك طلباً ..أكيد هتسارع ان انت تعمله طلبه ...لو مثلاً فلان بتحبه أوي وفيه معاد بينك وبينه ..أكيد هاتروحله في ميعاده وهاتتشيك وتلبس حلو وتحط برفان وتحلق دقنك ...ده لو اللي رايح تقابله واحد بتحبها أو خطيبتك أو لو إنتي رايحه تقابلي خطيبك أو حد عزيز عليك أوي ....ماعلينا طيب هو إحنا ماينسمعش كلام ربنا ورسوله ليه ...؟ بجد خليني أكون صريح معاكم أنا نفسي في بعض الأحيان مايسمعش الكلام وأتمنى من ربنا المغفرة ومن رسوله الشفاعة ...لكن طبعاً يجي واحد يقولي أنا يعني فيه حاجات بسيطه كده الواحد بيعمله ...كذبه بيضه ,رميت كيس زباله على الناصية ,قلت كلمه مش ولابد ....سبحان الله هو إنت تعرف ياأخي ربنا حسبهالك إيه ....مايمكن الكلمه دي هاتوديك أسفل سافلين من جهنم ...طبعاً مايمنعش ان إحنا نأمل في رحمة الله عزوجل ....لكن هل أنا إزدواجي ولا عندي مشكلة ما ...إن أنا عارف اللي باعمله ده غلط أكيد وباعمله ....لو جه حد سألني عن الحاجه الغلط دي ...هأقوله إوعى تعملها ده حرام ...وده اللي بنسميه إدراك سلبي ...إن الواحد عارف الغلط وبيعمله .؟ المهم عشان ماطولش عليكم أتمنى ليا وليكم المغفرة يارب

1 comment:

Vague said...

السلام عليكم

اعتقد ان السبب الرئيسي في عدم طاعة الله ورسوله هو:

عدم معرفة قدر الله وعدم معرفة تضحيات رسول الله من اجلنا

فمن منا يقرأ عقيدة؟؟
ومن منا يقرأ فالسيرة

اعتقد ان هذا هو السسب

اللهم اغفر لكل المسلمين والمسلمات الاحياء منهم والاموات

والسلام عليكم
ادم